Pyetje:

(Pyetësi) thotë, Shejkh i nderuar, Allahu ju dhëntë sukses: “A konsiderohet prej istihlalit (konsiderimi i një gjëje hallall që Allahu e ka bërë haram) frekuentimi i bankave me kamatë dhe hapja e tyre apo përsëritja e një vepre prej mëkateve të mëdha?”

Shejkh Feuzan:

Jo! Kjo nuk konsiderohet istihlal; konsiderohet veprim i një mëkati të madh. Istihlali është nëse thotë kamata është hallall, nëse thotë se kamata është hallall, atëherë ky është istihlal, ose nëse shkruan apo jep fetva se kamata është hallall, më të gjitha llojet e saj dhe të mohoj ndalimin e kësaj dhe (të thotë) se: “Kjo ka qenë (e ndaluar) në kohët e hershme, bota sot ka ndryshuar.” Atëherë, gjykohet mbi të me kufër.

Porse vetëm se ai e han kamatën apo i frekuenton bankat apo merr borxh prej tyre apo i lë paratë tek ato, atëherë ky bën një mëkat prej mëkateve të mëdha. Porse nuk gjykohet mbi të kufër, derisa ta thotë shkoqur se kamata është hallall, dhe se nuk ka kamatë. Po.