Pyetje:

Allahu ju bekoftë dhe ju dhëntë të mira Shejkhu jonë, ky pyetës thotë: “Si të kurohemi nga mësyshi apo nga magjia dhe nuk e njohim personin që na ka marr mësysh si dhe magjistarin që na ka bërë magji?”

Përgjigje, Shejkh Abdul-'Aziz el-Bura'i:

In sha Allah kjo është pyetja e fundit. Sidoqoftë – Allahu ju bekoftë – nuk është patjetër të dish se kush është ai që të ka marr mësysh, dhe nuk është patjetër të dish se kush është ai që të ka bërë magji. Shpeshtoje leximin e Kuranit derisa të të shërojë Allahu. Ky është ilaçi më i mirë. Allahu – ‘Azze ue Xhel-le – ka thënë:

قُلْ هُوَ لِلَّذِينَ آمَنُوا هُدًى وَشِفَاءٌ

“Thuaj: ai (Kurani) për ata që besuan është udhëzim dhe ilaç.” Fusilet, 44

وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِّلْمُؤْمِنِين وَلَا يَزِيدُ الظَّالِمِينَ إِلَّا خَسَارًا

“Dhe Ne, shpallëm nga Kurani atë që është ilaç dhe mëshirë për besimtarët, e zullumqarëve ai vetëm ua shton humbjen.” Isra, 82

يَا أَيُّهَا النَّاسُ قَدْ جَاءَتْكُم مَّوْعِظَةٌ مِّن رَّبِّكُمْ وَشِفَاءٌ لِّمَا فِي الصُّدُورِ وَهُدًى وَرَحْمَةٌ لِّلْمُؤْمِنِينَ

“O ju njerëz ju ka ardhur këshilla (Kurani) nga Zoti juaj, ilaç për atë që është në zemra dhe udhëzim, mëshirë për besimtarët.” Junus, 57

Pra, shpeshtoje leximin e Kuranit, edhe në qoftë se e lexon Kuranin njëzet herë apo tridhjetë herë, nuk është shumë. Shpeshtoje leximin e Kuranit derisa të të shërojë Allahu.

Pyetësi: Po. Allahu ju bekoftë dhe ju dhëntë të mira.

Video në AudioSelefi.org

Përktheu: jeton Shasivari