Burimi: http://www.alfawzan.af.org.sa/node/9644
Pyetje:
Allahu ju dhëntë të mira, Shkëlqesia Juaj, ky pyetës thotë: “A është kufër istihlali (konsiderimi i një gjëje hallall që Allahu e ka bërë haram) me vepër? Dhe ai që jep leje (për hapjen) e bareve në të cilat pihet alkooli, apo (lejon) vende të vallëzimit (disko), kinema, teatër apo banka me kamatë, a konsiderohet ky istihlal me vepra kufër?
Përgjigje nga Shejkh Feuzan:
Jo! Vepra nuk është argument për istihlal, ndoshta ai e pranon se ajo është haram dhe e bën këtë gjë për shkak të epshit, apo për shkak të dashurisë për pasuri. Kjo konsiderohet mëkat; nuk konsiderohet kufër. Istihlali është me fjalë nëse deklaron dhe thotë: Kjo është hallall, kjo është ajo që konsiderohet kufër, por ama vetëm vepra, atëherë kjo nuk është dëshmi për istihlal, ngase ka mundësi që ai ta ketë bërë atë për shkak të dashurisë për pasuri apo për shkak të epshit, apo gjëra të tjera, apo për shkak të shokëve të këqij, ndonëse ai beson se kjo është haram. Po.
Përktheu Jeton Shasivari