Fetaua Lexhneti Daimeh (1), vëll. 10 fq. 237

💠 Pyetje: Në fshatin tonë është njëri që punon në një furrë ku gatuhen pogaçet. Ky person falet dhe agjëron Ramazanin, elhamdulil-lah. Ai më pyeti se a lejohet që ta prishë agjërimin në Ramazan? Duke e ditur se ai ka vapë të madhe aty gjatë ditës kur i bën pogaçet dhe agjëron, por ka shumë etje dhe rraskapitet shumë. Shpresoj nga Shkëlqesia juaj që të na jepni një përgjigje të qartë për këtë. Allahu i Lartësuar ju shpërbleftë!

💎 Përgjigje: Nuk i lejohet atij që ta prishë agjërimin. Përkundrazi e ka detyrë që të agjërojë. Fakti që ai punon si bukëpjekës gjatë ditës në Ramazan, kjo nuk është justifikim për të prishur agjërimin. Ai e ka detyrë që të punojë aq sa të mundet.

Suksesi vjen prej Allahut. Paqja dhe shpëtimi i Allahut qofshin për Pejgamberin tonë Muhamedin, familjen e tij dhe shokët e tij.

🏢Komisioni i Përhershëm për Kërkime Akademike dhe Fetva

Anëtar: Abdullah el-Gudejan

Zëvendëskryetar: Abdur-Rezak Afifi

Kryetar: Abdul-Aziz bin Abdullah bin Baz

Përktheu: Jeton Shasivari