Talha bin Ubejdullah, Allahu qoftë i kënaqur me të, thotë: “Dy burra nga lagjja Belij erdhën tek i Dërguari i Allahut, sal-lAllahu ‘alejhi ue sel-lem, dhe që të dy e pranuan Islamin në të njëjtën kohë. Njëri nga ata bënte më shumë vepra të mira se tjetri. Ky që bënte më shumë vepra të mira, mori pjesë në një betejë dhe kështu ra dëshmor (shehid). Kurse ai tjetri vazhdoi të jetojë dhe vdiq pas një viti.”
Talha vazhdon të tregojë dhe thotë:
“Një natë pashë në ëndërr se po qëndroja para derës së Xhenetit dhe unë isha bashkë me ata dy. Doli dikush (një melek) nga Xheneti dhe atij që vdiq i fundit nga ata dy, i dha leje të hyjë në Xhenet. Pastaj, erdhi prapë pas një kohe dhe i dha leje që të hyjë atij që ra dëshmor. Pastaj, erdhi prapë duke u kthyer tek unë dhe më tha: ‘Kthehu mbrapa sepse akoma nuk ka ardhur koha për ty.’
Kështu, Talha filloi t’ua tregojë njerëzve këtë ëndërr dhe ajo u pëlqeu atyre. Ky lajm mbërriti edhe tek i Dërguari i Allahut, sal-lAllahu ‘alejhi ue sel-lem, dhe ata ia treguan këtë ëndërr, e ai tha: “Pse po çuditeni me këtë ëndërr?!” Ata i thanë: “O i Dërguari i Allahut, ky bënte më shumë punë të mira se ai tjetri, pastaj ra edhe dëshmor, kurse ai tjetri hyri në Xhenet para këtij.” Atëherë, I Dërguari i Allahut, sal-lAllahu ‘alejhi ue sel-lem, tha: “A nuk mbeti ky një vit pas atij?” Ata i thanë: “Po, ashtu është!” Ai tha: “A nuk e mbërriti Ramazanin, agjëroi dhe fali kaq e kaq namaze brenda vitit?” Ata i thanë: “Po, ashtu është!” I Dërguari i Allahut, sal-lAllahu alejhi ue sel-lem, tha: “Distanca midis (gradave në Xhenet) të atyre dyve është më e largët se distanca midis qiellit dhe tokës.”
عَنْ طَلْحَةَ بْنِ عُبَيْدِ اللَّهِ، أَنَّ رَجُلَيْنِ، مِنْ بَلِيٍّ قَدِمَا عَلَى رَسُولِ اللَّهِ ـ صلى الله عليه وسلم ـ وَكَانَ إِسْلاَمُهُمَا جَمِيعًا فَكَانَ أَحَدُهُمَا أَشَدَّ اجْتِهَادًا مِنَ الآخَرِ فَغَزَا الْمُجْتَهِدُ مِنْهُمَا فَاسْتُشْهِدَ ثُمَّ مَكَثَ الآخَرُ بَعْدَهُ سَنَةً ثُمَّ تُوُفِّيَ . قَالَ طَلْحَةُ فَرَأَيْتُ فِي الْمَنَامِ بَيْنَا أَنَا عِنْدَ بَابِ الْجَنَّةِ إِذَا أَنَا بِهِمَا فَخَرَجَ خَارِجٌ مِنَ الْجَنَّةِ فَأَذِنَ لِلَّذِي تُوُفِّيَ الآخِرَ مِنْهُمَا ثُمَّ خَرَجَ فَأَذِنَ لِلَّذِي اسْتُشْهِدَ ثُمَّ رَجَعَ إِلَىَّ فَقَالَ ارْجِعْ فَإِنَّكَ لَمْ يَأْنِ لَكَ بَعْدُ . فَأَصْبَحَ طَلْحَةُ يُحَدِّثُ بِهِ النَّاسَ فَعَجِبُوا لِذَلِكَ فَبَلَغَ ذَلِكَ رَسُولَ اللَّهِ ـ صلى الله عليه وسلم ـ . وَحَدَّثُوهُ الْحَدِيثَ فَقَالَ " مِنْ أَىِّ ذَلِكَ تَعْجَبُونَ " فَقَالُوا يَا رَسُولَ اللَّهِ هَذَا كَانَ أَشَدَّ الرَّجُلَيْنِ اجْتِهَادًا ثُمَّ اسْتُشْهِدَ وَدَخَلَ هَذَا الآخِرُ الْجَنَّةَ قَبْلَهُ . فَقَالَ رَسُولُ اللَّهِ ـ صلى الله عليه وسلم ـ " أَلَيْسَ قَدْ مَكَثَ هَذَا بَعْدَهُ سَنَةً " . قَالُوا بَلَى . قَالَ " وَأَدْرَكَ رَمَضَانَ فَصَامَهُ وَصَلَّى كَذَا وَكَذَا مِنْ سَجْدَةٍ فِي السَّنَةِ " . قَالُوا بَلَى قَالَ رَسُولُ اللَّهِ ـ صلى الله عليه وسلم ـ " فَمَا بَيْنَهُمَا أَبْعَدُ مِمَّا بَيْنَ السَّمَاءِ وَالأَرْضِ "
📚Sahih Sunen Ibën Maxhe, nr. 3925
Përktheu: Jeton Shasivari