Autor: Shejkh Ahmed ‘Umer Bazmul

Burimi: http://www.sahab.net/forums/showthread.php?t=376631&page=2

Pyetje:

Es-Selamu alejkum ue Rahmetullah,
Shejkhu ynë, ju përmendët në ligjëratën me titull “Këshilla dhe Udhëzime për ata që dalin në krye të Davetit”, të cilën e transkiptoi vëllai i nderuar Ebu ‘Ubejdeh Munexhid bin Fadil el-Hadad. Ju përmendët këtë që vijon:

فإن حكمه على اعتبار منهج السلف أنه ضال مبتدع ، هذا الحكم ، حكم الحلبي تطبيقاً لمنهج السلف أنه ضال مبتدع

“Dhe me të vërtetë gjykimi për të sipas Menhexhit Selefi është se ai konsiderohet i Devijuar e Bidatçi (Daal Mubtedi’), ky është gjykimi, gjykimi për Halebiun duke zbatuar Menhexhin e Selefëve se ai është i Devijuar e Bidatçi (Daal Mubtedi’).”

Këtu del një problem o Shejkh! Mos vallë kjo do të thotë se ju e bëni bidatçi Halebiun dhe se ky nuk është vetëm tahdhir (paralajmërim) kundër tij?

Allahu ju shpërbleftë me të mira.

Përgjigje nga Shejkh Ahmed Bazmul:

Me Emrin e Allahut të Gjithëmëshirshëm e Mëshirëplotë. Vërtet, lavdia i takon Allahut. Atë e lavdërojmë dhe prej Tij ndihmë dhe falje kërkojmë. Kërkojmë mbrojtje nga Allahu që të na ruajë nga të këqijat e veteve dhe veprave tona. Atë që e udhëzon Allahu nuk ka humbës për të; dhe atë që e humb Allahu nuk ka udhëzues për të. Dhe dëshmoj se nuk ka të adhuruar me të drejtë përpos Allahut të vetëm e të pashokë; dhe dëshmoj se Muhamedi është rob dhe i Dërguari i Tij.

Vërtet, fjala më e mirë është Fjala e Allahut dhe udhëzimi më i mirë është Udhëzimi i Muhamedit. Veprat më të këqija janë ato të shpikurat, çdo shpikje është bidat, çdo bidat është devijim dhe çdo devijim të shpie në Zjarr.

E më pas:

Nuk ka asnjë problem vëlla i nderuar ndërmjet fjalës së parë dhe asaj të dytë. Fjala e parë pohon se Halebiu ka rënë në devijime në sajë të të cilave meriton të shpallet bidatçi, mirëpo ne nuk dalim përpara Ulemave derisa të na paraprijnë ata me gjykimin e tyre ndaj njerëzve si puna e tij.

Së dyti: u bë e qartë në to se Halebiu në përputhje me Menhexhin Selefij dhe zbatimin e tij është i Devijuar e Bidatçi, mirëpo unë nuk e kam bërë atë bidatçi, sikurse kam përmendur më parë, duke qenë në pritje për fjalën e Ulemave dhe duke mos dalë përpara tyre.

Kurse tani: unë po të përcjell ty dhe vëllezërve të tjerë Selefijinë se Shejkhul-Alameh, Mbajtësi i Flamurit të Xherhit dhe Ta’dilit ka folur tashmë për ‘Ali Ibn Hasen el-Halebi dhe për Ebij Menar el-‘Irakij se të dy ata janë Bidatçij, dhe u tha Irakienëve përhapeni këtë nga ana ime.

Shkroi:
Ahmed ‘Umer Ibn Salim Bazmul
Mbrëmje e të Mërkurës, ora 10:11 minuta
23 Sha’ban 1431 Hixhrij / 3 Gusht 2010 Miladij

Shënim i përkthyesit:

Gjithashtu, në Sahab.net ditën e Shtunë të datës 19/8/1431 Hixhrij thuhet: I janë përcjellur Shejkhul-Alameh Zejd Ibn Muhamed Ibn Hadi el-Medkhalij hafidhahullah fjalët që i ka thënë Shejkhul-Alameh Rabij’ el-Medkhalij:

"إذا لم يكن علي الحلبي مبتدعاً فلا يوجد على وجه الأرض مبتدع "

“Nëse ‘Ali el-Halebi nuk është bidatçi, atëherë nuk gjendet asnjë bidatçi në faqen e tokës.”

Dhe tha Shejkhul-Alameh Zejd el-Medkhalij  duke buzëqeshur:

"الشيخ ربيع ما شاء الله عليه، يصدع بالحق ما يهمه"

“Esh-Shejkh Rabij’ është ma sha Allah. Ai thotë të vërtetën dhe nuk i intereson (çfarë thonë të tjerët).”

Përktheu Alban Malaj